كتاب مشهد السنيوره

انا بس مكنتش عارف ازاي هختفي علشان في بطل تاني في الصوره هيجي يحتل مساحه مشهد السنيوره.. والاضائه حواليه والكل يسقف وقت قدومه ويبدأوا بالأفيه طب ما كنت انا الدوبلير ، انا الي كنت حافظ الافيه وجه هو خد الصوره بالسوكسيه وانا في الكالوس وحدي بفكر في ذكري قديمه متعاده ، هل هتيجي معاه في اعاده ، وسقف واقول دي دعابه !؟ انا الدبلير وهو وهو اللي كسب الافيه والجمهور يبتسم ويسقف .. ومحدش يعرف الكدر كان فيه إيه دمعه محبوسه !؟ سجاره مبلوله .. كفوله لطفل في سن التلاتين .. بيوت محروسه بقلب أتنين وانا لوحدي في الكالوس بسقف واقول انا كنت ذات البطل في يوم لاكن رغم كل شئ والله وحشاني .. ما أصل مش سهل نعيد من تاني وحشني ضحكك الهزيل وصوتك الرزين ولمسه إيد ملمستهاش وحضن بحسه بالصوره وحشني اعترافي ليكي في كل مره بقول انا باقي عليكي .. وحشتيني كانت كدبه أه بس كانت مستوره كانت مداريه جروح مكبوته، درويش لايملك إلا كتابه علي صوره ورقبتها اللي تبان في صوره ، وغيره عليها مستوره مستوره في قصه محفوره .. بقلم جف في نص روايه مقلوبه في ذكري ف قصه مكتوبه .. مكتوبه انها متكملش لجل البطل اللي في الصوره
عبد الوهاب زعزوع - كاتب وشاعر مهتم بالأدب الواقعي والاجتماعي، أمتلك خبرة في العمل الإداري الحكومي إلى جانب مسيرة أدبية حافلة بكتابة الشعر الفصيح والعامي المصري. مؤسس منصة ‵قلم وميكروفون‵ لصناعة المحتوى الأدبي، ومؤلف ديوان ‵رحلة إلى العشرينيات‵. أجمع بين الانضباط المهني والقدرة على التعبير الإبداعي وتطوير المحتوى الرقمي.الإنجازات الأدبية والمشاريع:ديوان ‵رحلة إلى العشرينيات‵: مجموعة شعرية توثق تجارب جيل الشباب، تجمع بين الفلسفة والواقعية الاجتماعية.مبادرة ‵حارس الأمل‵: تأليف قصيدة مهداة لمعهد الأورام بدمنهور، لتقديم الدعم المعنوي للمرضى والعاملين.
من ديوان شعري كتب الأدب - مكتبة كتب الأدب.